Janjira Fort 🚩

जंजिरा किल्ल्यावर फडकला तिरंगा माझा - 🚩
श्री. सुयोग चंदुलाल शहा - २९/१०/२०१८

सह्याद्री प्रतिष्ठानच्यावतीने मुरुड जंजिरा किल्ल्यावर कायमस्वरूपी तिरंगा फडकवण्याची मागणी अनेक वर्षांपासून करण्यात येत होती.
• सह्याद्री प्रतिष्ठान या संस्थेतर्फे जंजिरा किल्ल्यावर कायमस्वरूपी तिरंगा फडकत राहावा, असे प्रयत्न करण्यात आले. या प्रयत्नांना यश मिळाले असून केंद्रीय पुरातत्त्व विभागाने जंजिरा किल्ल्यावर कायमस्वरूपी तिरंगा फडकत ठेवण्याची परवानगी संस्थेला दिली आहे.
• भारतीय सागरी दुर्गांच्या इतिहासातील अभेद्य किल्ला म्हणून ओळखल्या जाणाऱ्या मुरुड येथील जंजिरा किल्ल्यावर आता कायमस्वरूपी तिरंगा पाहायला मिळणार आहे.
• महाराष्ट्रासारख्या दगडांच्या देशातील दुर्ग ही राज्याची शान आहेत. या गडकिल्ल्यांना लाखो दुर्गप्रेमी भेट देतात. एखाद्या किल्ल्यावर भगवा किंवा तिरंगा फडकताना दिसतो तेव्हा राष्ट्रप्रेमाची जाणीव अधिक रुजते. याच भावनेतून सह्याद्री प्रतिष्ठान या संस्थेतर्फे जंजिऱ्यावर कायमस्वरूपी तिरंगा फडकत राहावा, असे प्रयत्न करण्यात आले. या प्रयत्नांना यश मिळाले असून केंद्रीय पुरातत्त्व विभागाने जंजिऱ्यावर कायमस्वरूपी तिरंगा फडकत ठेवण्याची परवानगी संस्थेला दिली असून हा ध्वजारोहण सोहळा २८/१०/२०१८ रोजी शासकीय इतमामात फडकवण्यात आला.

• जंजिरा किल्ला पाहण्यासाठी हजारो पर्यटक येतात. हा किल्ला केंद्रीय पुरातत्व विभागाच्या अंतर्गत असून पुरातत्त्व विभाग त्यावर संवर्धनाचे काम करत आहे. जंजिरा किल्ल्यावर कायमस्वरूपी तिरंगा फडकावा यासाठी पुरातत्त्व विभाग, मुंबई सर्कल यांना अनेक पत्र व निवेदन देण्यात आली होती. या मागणीला यश मिळाले असून १८ ऑगस्ट रोजी केंद्रीय पुरातत्त्व विभागाकडून यासाठी परवानगीही मिळाली. या आधी किल्ल्यावर केवळ १५ ऑगस्ट आणि २६ जानेवारीला राष्ट्रध्वज फडकवला जात होता. मात्र आता जंजिऱ्यावर भारताचा राष्ट्रध्वज कायम डौलाने फडकत राहील. स्वातंत्र्यानंतर या किल्ल्यावर पहिल्यांदाच राष्ट्रध्वज फडकला आहे त्यामुळे रायगडच्या शिरपेचात आणखी एक मानाचा तुरा रोवला गेला आहे. या निमित्ताने सातत्याने प्रयत्न करणारे सह्याद्री प्रतिष्ठान यांचे खूप खूप अभनंदन आणि महाराष्ट्रातील सर्व गड किल्ल्यांवर आपला भगवा अथवा तिरंगा ध्वज फडकत रहावा ही शिव चरणी प्रार्थना करतो.
• जय भवानी जय शिवाजी !!🚩
जय महाराष्ट्र !!🚩

श्री. सुयोग चंदुलाल शहा
नाशिक